Stærð Leturs

Umsagnir viðskiptavina

Fagleg og skilvirk símsvörun

„Símsvörunarþjónusta ritari.is hefur reynst okkur hjá Innovit frábærlega. Þjónustan hefur létt álag á starfsfólki fyrirtækisins og aukið þjónustustig verulega þar sem nú er alltaf svarað í símann á faglegan og skilvirkan hátt, þrátt fyrir að starfsfólk sé upptekið á fundum eða ferðalögum. Við getum því hiklaust mælt með Ritari.is“

Andri Heiðar Kristinsson, framkvæmdastjóri Innovit ehf.

Get beitt allri minni athygli að viðskiptavinum

Ritari.is er í mínum huga falinn fjársjóður.
Hjá þeim er verið að bjóða uppá þjónustu sem gerir mér kleift að beina allri minni athygli að viðskiptavininum án truflunar. Viðskiptavinurinn fær óskipta athygli, ásamt því að ég get algjörlega slakað á þó að síminn hringi. Ég veit að símanum er svarað.
Þær sjá um að svara símanum, taka niður bókanir, breyta bókunum, gefa upplýsingar og senda áminningar með tíma. Og ef einhver vill ná tali af mér persónulega, þá senda þær mér tölvupóst með nafni og númeri og ég hringi beint í viðkomandi.
Einnig er þessi þjónusta snilld að því leyti að þær svara og taka niður bókanir í mínum frítíma.
Þetta var það fyrsta sem ég var búin að ákveða að nýta mér áður en ég tók ákvörðun með opnun stofunnar.
Algjör snilld í mínum huga, og sérstaklega fyrir snyrtistofur þar sem mikill tími og truflun fer í símsvörun, sem annars gæti nýst algjörlega til viðskiptavinar.

Ágústa Árnadóttir, eigandi Snyrtistofunnar Dekur á Akranesi

Getum einbeitt okkur betur að daglegum rekstri

Við rekum Hótel Látrabjarg á sumrin og eru herbergisbókanir að berast til okkar allt árið um kring.  Við ákváðum því að leita til Ritara.is til að aðstoða okkur við að taka á móti bókunum og afgreiða þær.  Það er óhætt að segja að við sjáum ekki eftir að hafa tekið þá ákvörðun þar sem nú getum við notað alla okkar krafta í að þjónusta gesti okkar sem eru á staðnum yfir sumartímann. Yfir vetrartímann getum við svo sinnt okkar verkefnum án þess að vera föst yfir því daglega að afgreiða bókanir.  Þetta þýðir að herbergisbókunum er bæði sinnt hratt og örugglega um leið og við getum einbeitt okkur af því að þjónusta gesti okkar sem best.
Þegar mikið er að gera á hótelinu er oft erfitt að ná að svara öllum símtölum en nú þurfum við ekki að hafa áhyggjur af því þar sem starfsmenn Ritara sjá um að taka öll þau símtöl sem við náum ekki að svara og þar með er öllum símtölum svarað.

Við mælum eindregið með þessari þjónustu þar sem hún er áreiðanleg, persónuleg og hagkvæm.

Karl og Sigríður Hótel Látrabjargi

Góð samvinna og flott þjónusta

Við hjá Aha.is stofnuðum fyrirtækið til þess að gera fólki kleift að njóta alls hins skemmtilega sem Ísland hefur upp á að bjóða á verði sem flestir ættu að ráða við. Góð þjónusta spilar að sjálfsögðu mjög mikinn þátt þar inní og því ákváðum við að leita til Ritara eftir samvinnu í þeim málum.
 
Þar sem Ritari sérhæfir sig í símsvörun og að þjónusta viðskiptavininn hentar þetta samstarf okkur mjög vel því við getum einbeitt okkur að því sem við erum best í, þ.e. að útvega góða vöru á hagstæðu verði fyrir fólk til að versla á netinu á meðan Ritari sér um að aðstoða þá viðskiptavini sem þurfa á aðstoð að halda.
 
Við höfum bæði nýtt þjónustuna þannig að starfsfólk Ritara tekur öll símtölin sem berast inn og einnig hafa þau verið að taka þau símtöl sem við náum ekki að svara.
 
Það er óhætt að segja að þjónustan hefur verið mjög góð og erum við mjög ánægð með það samstarf sem við höfum átt nú þegar og hlakkar okkur til að halda því góða samstarfi áfram.
Helgi Már Þórðarsson, annar eiganda Aha.is

Hagræðing og góð þjónusta

Fyrirtækið Ritari.is sér um símsvörun á aðalnúmeri Landmælinga Íslands en val á fyrirtækinu fór fram með örútboði innan rammasamninga hjá Ríkiskaupum. Útvistun á símsvörun og upplýsingamiðlun til þeirra sem hringja til stofnunarinnar hefur skilað sér í hagræðingu og góðri þjónustu við viðskiptavini okkar. Samstarfið hefur gengur mjög vel og hefur það hjálpað við að beina kröftum starfsmanna Landmælinga Íslands að kjarnaverkefnum stofnunarinnar á meðan Ritari.is sinnir verkefnum á sínu sérsviði. Við erum ánægð með þá þjónustu við fáum hjá Ritara.is og mælum með henni.

Magnús Guðmundsson, forstjóri Landmælinga Íslands

Meiri yfirsýn, yfirsýn og jafnvægi í okkar rekstri

Eftir að við hjá Garðaþjónustu Íslands fórum að nota Ritari.is höfum við öðlast meiri yfirsýn, yfirvegun og jafnvægi í okkar rekstri. Við getum þjónustað viðskiptavini okkar betur, dreift álaginu á álagstímum og þurfum ekki að hafa áhyggjur lengur af því að missa af símtölum vegna anna. Algjör bylting !

Hjörleifur Björnsson, framkvæmdastjóri

Persónuleg og fagleg þjónusta

Við völdum Ritari.is sem samstarfsaðila til að taka umframsímtöl á álagstímum og þannig létta undir með starfsfólki í móttöku okkar og sjá til þess að viðskiptavinum okkar sé alltaf svarað fljótt og vel.
Persónuleg og fagleg þjónusta eru að okkar mati aðalsmerki ritari.is og hafa þau staðið undir öllum okkar væntingum og rúmlega það.  Þau hafa leyst krefjandi verkefni með útsjónarsemi og jákvæðu hugarfari.
Það er því okkur bæði ljúft og skylt að mæla með þjónustu ritari.is. 

Reynir Valbergsson fjármálastjóri Öryggismiðstöðvarinnar

Sveigjanleg og persónuleg þjónusta

Við hjá Samtökum Iðnaðarins höfum nýtt okkur símsvörunarþjónustu Ritara í þó nokkurn tíma og erum afar sátt við þá góðu þjónustu sem við fáum hjá þeim.

Við nýtum okkur þjónustu þeirra sérstaklega á álagstímum þegar okkar starfsmenn eru önnum kafnir í sínum verkefnum.  Þá getum við verið viss um að símanum sé ávallt svarað hratt og vel og þannig sinnt okkar félagsmönnum og viðskiptavinum sem best. 

Einnig höfum við getað nýtt okkur þessa þjónustu í forföllum og á orlofstímum starfsmanna og hefur það komið okkur afar vel þar sem við getum þá alltaf veitt bestu þjónustu án mikils auka kostnaðar.

Við hikum ekki við að mæla með persónlegri og sveigjanlegri þjónustu Ritara.

Þóra Ólafsdóttir hjá Samtökum Iðnaðarins

Við erum afar ánægð með þjónustuna

Starfsmenn Ritara svara öllum símtölum fyrirtækisins og bóka viðtöl skjólstæðinga okkar. Við erum afar ánægð með þjónustuna og hafa starfsmenn Ritara lagt sig fram við að aðlaga þjónustuna að okkar þörfum. Þjónustulund og samvinna er til mikillar fyrirmyndar. 

Heilsustöðin, sálfræði- og ráðgjafarþjónusta, www.heilsustodin.is.

Haukur Sigurðsson, sálfræðingur/framkvæmdastjóri

Við leggjum áherslu á að búa til lausnir og bjóða upp á þjónustu sem gerir það að verkum að allir vinni