Ritari býður fyrirtækjum upp á sveigjanlega ritaraþjónustu þar sem ritarinn situr utan veggja fyrirtækisins.
Þetta þýðir að fyrirtæki losna undan þeirri yfirbyggingu sem fylgir því að hafa ritara á staðnum, en fá samt sem áður áreiðanlega og sérsniðna þjónustu eftir þörfum hverju sinni.

Með því að greiða aðeins fyrir þá vinnu sem þörf er á, geta fyrirtæki sparað verulega.
Þjónustan er tiltæk þegar hennar er þörf, sem gefur möguleika á að auka eða minnka þjónustuna eftir umfangi rekstursins.
Þessi sveigjanleiki gerir fyrirtækjum kleift að einbeita sér að kjarnastarfsemi sinni, hvort sem um stór eða lítil fyrirtæki er að ræða, án þess að þurfa að ráða í föst stöðugildi.

Þessi þjónusta er víða þekkt erlendis og hefur reynst vel fyrir fyrirtæki sem vilja spara kostnað án þess að fórna skilvirkni.
Fyrirtæki þurfa oft að sinna ýmsum tilfallandi verkefnum sem eru ekki nægilega regluleg til að réttlæta það að vera með ritara í fullu starfi.
Þar kemur ritaraþjónustan að góðu gagni. 

Hagkvæm og sveigjanleg lausn

Fyrirtæki geta nýtt sér þjónustu sérþjálfaðs ritara til að sinna þessum verkefnum fyrir aðeins brot af þeim kostnaði sem fylgir því að ráða starfsmann til fulls. Ritaraþjónustan er klæðskerasaumuð utan um þarfir fyrirtækisins, með sveigjanleika til að mæta hverju verkefni á réttum tíma.

Verkefni sem ritari getur séð um:

• Læknaritun.
• Sérhæfð skýrslugerð og ritun, til dæmis eftir upptökum fyrir lögfræðinga, lögreglu, öryggisgæslu og aðra sem þurfa skýrslur fyrir sín störf.
• Almenn ritun, eins og ritun fundargerða eða texta eftir hljóðupptöku.
• Ferðaumsjón fyrir starfsfólk, bókanir á flugi, hótelum og öðru sem tengist ferðalögum.
• Aðstoð við undirbúning funda eins og til dæmis fundarboð, markpóstsendingar, undirbúningur markaðspakka og margt fleira sem fellur undir almenna ritaraþjónustu.

Með þessari þjónustu er hægt að létta álagi af starfsmönnum, auka skilvirkni og halda kostnaði í lágmarki, án þess að fórna gæðum eða fagmennsku.