Árangur, velgengni og góð þjónusta Ritara liggur fyrst og fremst í mannauði okkar. Fyrirtækið leggur áherslu á að laða til sín þjónustulundað og metnaðarfullt fólk og bjóða því upp á jákvætt og áhugavert vinnuumhverfi.
Traust, þekking og þjónusta eru gildi okkar og við störfum eftir þeim gildum í hvívetna. Þessi gildi hafa starfsmenn okkar að leiðarljósi í samskiptum sín á milli, gagnvart viðskiptavinum okkar og gagnvart viðskiptavinum þeirra.
Starfsfólk, eigendur og stjórnendur leggja sig fram við að öllum líði vel í vinunni og hafi metnað til að gera vel. Á milli okkar og viðskiptavina er lögð áhersla á gagnkvæmt traust, gott samstarf og gott flæði upplýsinga. Starfsfólk okkar leggur sig fram við að ná árangri fyrir viðskiptavini okkar og þjónusta þá eftir bestu getu.